Top Artikujt

Modern Romance Collection by Passion!
Lexo më shumë
Me këtë truk, buzëkuqi juaj do t’ju zgjasë gjatë tërë ditës!
Lexo më shumë
Trendet më të mira të ngjyrës së flokëve për vitin 2018!
Lexo më shumë
AL  EN

7 vitaminat më të mira për rritjen e flokëve

Për flokë të shëndetshme dhe të shkëlqyeshme, trupit tuaj i nevojiten materiet esenciale që ta mundësojë një rritje të tillë të flokëve. Edhe pse frutat dhe perimet janë ushqime të shëndetshme që na furnizojnë me vitamina, mund të shtojmë në dietën tonë pilula që na ndihmojnë të plotësojnë mungesën e tyre. Ja cilat vitamina e nxisin rritjen e flokëve.

Vitamina A

Vitamina A është vitaminë e nënvlerësuar, mirëpo tepër e dobishme si pjesë integrale e zhvillimit dhe rritjes së shëndetit qelizor, çka nënkupton se sasia e duhur e kësaj vitamine ndihmon skalpin për t`u bërë baza ideale për folikulat dhe për nxitjen e prodhimit. Vitamina A është e pasur me antioksidues që ndihmojnë kondicionimin dhe njomjen e skalpit, duke e parandaluar tharjen e flokëve.

Vitamina B7 (biotinë)

Vitamina B7, e njohur edhe si biotina, është esenciale për flokë të forta dhe i riparon fijet e brishta dhe të thyera, duke ndihmuar prodhimin e acideve yndyrore përbrenda qelizave. Mungesa e vitaminës B7 e bën lëkurën të thatë dhe shkakton humbjen e flokëve. Që t’i mbani rrënjët e shëndetshme dhe ta mundësoni lulëzimin e mëtejmë të flokëve, trupit tuaj i nevojiten vitaminat B7, B3,B5 dhe B6.

Vitamina B12

Vitamina B12 është vitaminë që tretet në ujë dhe është e aftë të akumulohet në trup duke u depozituar në veshkë, mëlçi, mushkëri dhe shpretkë. Përderisa flokët e juaja vazhdojnë të rriten, vitamina B12 ndihmon në kufizimin e thyerjeve dhe zhveshjeve, ndihmon në mirëmbajtjen e nervave të shëndetshme që është imperativ për parandalimin e rënies së flokëve.

Vitamina C

Vitamina C është tejet higroskopike për shkak të disa grupeve hidroksile që i përmban, që nënkupton se e tërheq lehtësisht ujin. Përdoret si agjent për pastrim dhe ndihmon në pastrimin e shtresimeve të mineraleve në sipërfaqe të flokëve dhe me këtë rrit aftësitë e flokëve për njomje. Mungesa e vitaminës C  rezulton me flokë të dobëta që janë të prira për thyerje. Vitamina C është e nevojshme edhe për prodhimin e kollagjenit.

Vitamina D

Trupi juaj e përdor vitaminën D që ta ndihmojë absorbimin e materieve që janë të nevojshme për prodhimin dhe rritjen e flokëve. Vitamina D e rregullon ciklin e folikulave të flokëve. Në mëlçi konvertohet në kalcidiol ndërsa në veshkë pastaj në kalcitrol. Kalcitrioli është formë e vitaminës D që është biologjikisht aktive në sistem dhe rregullon ciklin e qelizave që janë aktive në formimin e folikulave të flokëve. Vitamina D ndihmon në reduktimin e stresit i cili është faktori kryesor në ngadalësimin e rritjes së flokëve.

Vitamina E

Vitamina E është vitaminë e njohur për përdorimin në kozmetikë dhe është e dobishme për nxitjen e rritjes së flokëve. Parandalon tharjen e flokëve duke e zhdukur lagështinë dhe duke u dhënë flokëve shkëlqim. Cilësitë antioksiduese e mbajnë skalpin të shëndetshëm dhe ndihmojnë në qarkullimin e gjakut.

Acidi folik

Një nga arsyet pse femrat shtatëzëna përjetojnë rritje të flokëve janë hormonet, ndërsa arsyeja tjetër qëndron te vitaminat prenatale që janë të pasura me acid folik. Acidi folik nxit rritjen e flokëve, e shndrron ushqimin në energji dhe ndihmon në përpunimin e materieve ushqyese.

http://www.healthdigests.com/best-vitamins-hair-growth/